Nginitian mo ako kanina.
At kinilig ako.
Mahirap kasing hindi sitahin
ang mga labi mo.
Kinamusta mo ako
At dahan dahan akong natunaw.
Mahirap kasing hindi matuwa
sa tunog ng tinig mo.
Dinalaw mo ako ng tingin
At namutla ang kaluluwa ko.
Mahirap kasing hindi manginig
at malamang nakikilala mo pa ako.
Kaya ngayong gabi,
Isusulat ko ang lahat ng minahal ko sa iyo.
nang sa gayon,
nakangiti kong matutuloy ang araw araw na pagpapakamatay ko…
Entries (RSS)